vinnuskylda kennara!

Hversvegna eiga kennarar að fá tugi prósenta meiri hækkanir en aðrir í hverjum einustu kjarasamningum.Við skulum ekki gleyma því að þeir eru í fríi á launum á sumrin,í kringum páska,tvær vikur um jólin og einhver vetrarfrí að auki.Svo minnkar kennsluskyldan þegar aldurinn færist yfir (en launin ekki).Ég til dæmis hef sex ára iðnnám að baki og tuttugu ára starfsreynslu,grunnlaunin eru 252000 (eftir síðustu kjarasamninga) ef ég vil minnka við mig vinnu þegar aldurinn segir til sín þá minnka líka launin í samræmi við það.Svo er það nú þannig að sveitarfélögin verða að fjármagna hækkun kennaralauna með því að hækka fasteignagjöldin sem þýðir lækkun á launum annarra.Ef kennarar fá viðlíka hækkun og þeir eru að fara fram á þá finnst mér í lagi krefjast þess að þeir séu í vinnu allt árið

Kennarar telja að laun eigi að hækka um 24-46%

Athugasemdir

[Janus, 9.4.2008 kl. 23:33]

Kynntu þér kjarasamninga áður en þú hendir svona færslum út á netið.

Og bara svo þú vitir það að þá hef ég lokið tíu ára námi meðan þú hefur lokið sex ára námi og vittu til, ég næ ekki þínum grunnlaunum. Ég á ekki von um neina yfirvinnu til að hækka launin mín og ef ég minnka við mig kennslu þá lækka launin mín.

Ég segi því bara aftur kynntu þér kjarasamninga áður en þú skrifar svona færslur. Samningana sérðu á www.ki.is

Spyrðu þig í leiðinni, hvers vegna eru leikskólakennarar með svona mikið hærri grunnlaun en grunnskólakennarar, þeir eru með sömu menntun, en leikskólakennarar eru með minni vinnuskyldu.

[Gísli Baldvinsson (IP-tala skráð) 9.4.2008 kl. 23:38]

Ja hérna Guðmundur. Lestu nú það Janus skrifar eða eyddu hreinlega þessum pistli. Menn eiga ekki að bera fávísi sína svona á Netinu.

[Jón Örn (IP-tala skráð) 10.4.2008 kl. 00:06]

Janus: Ég held að leikskólakennarar fái ekkert lengra sumarfrí en annað fólk á vinnumarkaðnum á meðan grunnskólakennarar fá öllu lengra frí. Ég efast því um að staðhæfing þín um vinnuframlagið haldi ef allt er tekið með. Annars þekki ég þetta ekki svo.

[Guðrún M (IP-tala skráð) 10.4.2008 kl. 00:21]

Það er stór hluti þjóðarinnar sammála þér Guðmundur. Svo minnkar kennsluskyldan þegar aldurinn færist yfir en launin ekki þetta er bara hárrétt .þetta má aldrei tala um. Kennarar eru öfundsverðir á eftirlaununum sínum , margir  komnir á þau rétt um og yfir sextugt. Ég vinn með gamalt fólk búin að starfa við það í 30 ár. Það hefði verið ósköp ljúft að að hafa minkandi vinnuskildu og halda fullu kaupi.Svo fer ég ekki á eftirlaun fyrr en ég verð 67.Svo að lokum þá finnst mér ég ekki hafa lagt minna til smfélagsins en kennarar en með mun lakari kjör og ekki væli ég!!!!!!!!!

[? (IP-tala skráð) 10.4.2008 kl. 00:28]

Mér persónulega finnt alveg í lagi að velta fyrir sér launum hinna mismunandi "kennarastétta" og bera það saman við önnur laun í landinu.  En virðist eins og um leið og einhver vogar sér að gagnrýna eða bara spyrja út í laun og vinnutíma hinna mismunandi kennarastétta þá verður allt "vitlaust" og svarað með "látum". 

En ef fréttin í Mogganum er rétt þá hafa margar stéttir það verr en kennarastéttin (þó vissulega sammála að finnist aðeins skrýtinn munurinn á milli einstakra "kennarastétta"). 

"Meðalgrunnlaun framhaldsskólakennara í október 2007 voru tæpar 295.000 krónur en meðalheildarlaun þeirra tæpar 406.000 krónur. Meðalgrunnlaun leikskólakennara voru tæpar 262.000 krónur á sama tíma en meðalheildarlaun þeirra rúmar 297.000 krónur. Meðaltal grunnlauna tónlistarkennara voru tæpar 292.000 krónur en meðalheildarlaun þeirra rúmar 331.000 krónur. Meðalgrunn- og heildarlaun grunnskólakennara voru lægst meðal aðildarfélaga KÍ, grunnlaunin rúmar 242.000 krónur en heildarlaunin tæpar 286.000 krónur"

Hins vegar finnst mér allt í lagi að bera saman vinnutíma og aðra hluti.  Einn aðalkosturinn við kennarastéttin eru löng og góð frí (og núna heyri ég hávær hróp um að "til að undirbúa kennsluna" eða "vinnudagar", o.s.frv).  En þekki nógu margt fólk í mismunandi "kennslustéttum" til að vita að vinnudagar eru yfirleitt "unnir af sér", þ.e. tekinn auka tími á venjulegum dögum eða einn og einn hálfur laugardagur til að vinna af sér þann tíma sem nemendur ekki á svæðinu.  Og erfitt að bera á móti því að þær "kennarastéttir" sem vinna í grunnskólum og þess fyrir ofan fá lengri og meiri frí en flestir aðrir launþegar, þ.m.t. leikskólakennarar sem fá yfirleitt bara mánaðarsumarfrí eins og flestir aðrir launþegar þessa lands (sem kannski útsýrkir af hverju með hærri grunnlaun?).  Það getur enginn neitað því að kennarar fá lengri jólafrí, páskafrí og sumarfrí en allar aðrar launastéttir í landinu - jafnvel þó dregnir frá mögulegir vinnudagar / undirbúningsdagar á hluta tímans sem nemendur fá frí frá skóla. 

Og það eru mikil fríðindi að hafa mikið af frídögum og geta verið heima með "eigin" börnum þegar þau í skólafríi sem m.a. skýrir af hverju þetta starf er að vonum eftirsóttast af konum með börn á skólaaldri. 

Mér finnst ákveðinn hroki í svari Janusar til Guðmundar, t.d. hvað varðar lengd menntunar sem og að krefja hann svara um mismun á launum leikskólakennara og grunnskólakennara, ekki það sem pistilllinn hans snýst um né hans að svara (þó munurinn gæti kannski legið í að vega uppá móti heildarviðveru yfir árið?).  Iðnmenntun er líka geypilega mikilvæg í okkar þjóðfélagi, eins og flest öll störf, og það hlýtur að viðurkennast að iðnvinna er líkamlega mun erfiðara en flest öll önnur vinna og slítur fólki líkamlega mikið út og getur jafnvel stytt vinnuævina.  Ýmis önnur vinna getur verið andlega mjög stressandi, t.d. örugglega hætta á því að ef núverandi ástand á fjármálamörkuðunum snýst ekki við bráðum að þá styttist ævi einhverja verðbréfagutta all verulega.  Starf allra kennarastétta er vissulega ein af mikilvægu stéttum landsins, en það verður að setja allt í samhengi og skoða heildarmyndina.  Já launin eru miklu mun lægri en hjá verðbréfaguttanum eða forstjórunum en vonandi sefur kennarinn betur allar nætur ársins, auk þess sem sennilega sér sína ættingja og vini mun oftar en sá fyrrnefndi.  Þau eru kannski lægri en hjá iðnarmanni á uppgripstímum en atvinnuöryggið er mun meira, nú þegar hægir á fasteignamarkaðnum þarf t.d. kennarinn ekki að missa nætursvefn.  Ég vissulega finnst að við eigum að meta og virða og borga viðunandi öllum í kennarastétt en mér finnst líka að fólk þurfi að meta bæði kostina og gallana við starfið.  Ég myndi svo sannarlega ekkert hafa á móti því að kennarar hefðu hærri laun en geri mér líka fullkomlega grein fyrir því hvaðan launin þeirra koma.  Þeir geta ekki selt meiri eða betri þjónustu, eina leiðin er að ríkið eða sveitarfélögin borgi þeim meira og tekjur þeirra koma úr vösum okkar allra, þ.m.t. kennara.  Hærri laun opinberra starfsmanna þýðir bara annað hvort A. Hærri skatta eða B. Minni útgjöld í aðara málaflokka.  Og við viljum öll hvort?

[Bára (IP-tala skráð) 10.4.2008 kl. 09:24]

Sæll

Kennsluskylda minnkar við ákveðin aldur - það er rétt - en vinnuskylda minnkar ekki. Það eru nefnilega svo margt annað sem þarf að gera í grunnskólum en bara þær stundir sem eru kenndar. Það fer líka að vera liðin tíð að kennarar fari fyrr á eftirlaun (nema kanski þeir sem eru með séreignarsparnað) en í dag eru einhverjir eftir sem eru á svokallaðri 95 ára reglu (lífaldur+starfsaldur). Það er ekki eingöngu kjör kennara.

Við kennarar fáum sumarfrí frá miðjum júní til mið ágúst en á þeim tíma er okkur ætlað að skila inn 150 stundum í endurmenntun eða undirbúning. Sumir kennarar skila þessum 150 stundum inn að vetrinum en þá bætist sú vinna við tæplega 43 stunda vinnuviku (ef miðað er við 100% starf). Vinnuvikan er þetta lengri til að vinna af sér frí kringum jól og páska.

Aðbúnaður í grunnskólum landsins er athugaverður. Foreldrar í dag (meira segja þeir foreldrar sem eru kennarar) vinna mikið og þá minnkar viðvera með börnunum. Kennarar þurfa því oft að ýta kennslu til hliðar og fara í uppeldishlutverkið, það getur valdið mörgum andvökunætum. Kennarinn getur ekki uppfyllt alla þá þörf sem hvert barn þarfnast fyrir ást, umhyggju og leiðbeiningu - hann reynir sitt besta og sem betur fer eiga flestir nemendur frábæra foreldra.

Svo ég svari líka aðeins ? sem skrifar hér á undan mér þá eru konur með börn á skólaaldri að gefast upp í kennarastarfinu. Þær hafa ekki sveigjanlegan vinnutíma og erfitt að hliðra til ef skipulag skólans sem þær starfa í stangast á við skóla barna þeirra. Börnin þeirra þurfa vistun eftir skóla  og ef kennari fer fyrr heim þá situr hann við vinnu á kvöldin eftir að börnin eru sofnuð.

Ég er með fimm ára háskólamenntun og næ 234 þús á mánuði. Hef tvisvar náð að fá yfir 200 þúsundin útborgað en til þess þurfti ég mikla yfirvinnu.

kveðja Bára - kennari

[Gauti Eiriksson (IP-tala skráð) 10.4.2008 kl. 10:58]

Það er skrítið hvað þessi umræða fer fljótt að snúast um vinnutíma kennara. Fólk virðist öfundast endalaust án þess að kynna sér vinnutíma kennara eins og hann er í raun.

En nú er svo komið að þetta er ekki það sem skiptir máli. Það sem stjórnvöld (þá aðallega sveitarfélögin) þurfa að gera sér grein fyrir er að ef laun kennara verða ekki leiðrétt verður nýliðun í skólum landsins nánast engin og skólastarfið mjög erfitt næstu ár. Og er það nógu slæmt fyrir.

[Sigurður Haukur Gíslason, 10.4.2008 kl. 23:10]

Hér eru upplýsingar um vinnutíma kennara. Svo hef ég eina spurningu til Guðmundur. Ef vinnutími kennara er svona lítill og þægilegur af hverju gengur svona illa að manna skólana?

[Guðmundur, 10.4.2008 kl. 23:49]

Sæll Sigurður.

Ég get nú ekki séð að það sé meira vandamál núna en verið hefur gegnum árin og þar að auki fækkar réttindalausum kennurum stöðugt (sem hlýtur að hugnast réttindafólkinu vel).Svo hefur verið nóga vinnu að hafa undanfarin ár og þá flakkar fólk í öllum starfsgreinum milli starfa sífellt að leita eftir einhverju betra.En nú er að harðna á dalnum í þjóðfélaginu og þá hygg ég verði nú ekki eins mikið af störfum á lausu sem kennarar telja betri en sín.

[Sigurður Haukur Gíslason, 11.4.2008 kl. 01:37]

Það getur verið að þú sjáir ekki að það sé vandamál að manna skólana en leiðbeinendum hefur fjölgað hér á höfuðborgasvæðinu nú í vetur frá því sem áður var. Það er því ekki rétt hjá þér að réttindalausum kennurum sé að fækka. Þetta er mikið áhyggjuefni hjá skólastjórum og öllum þeim sem málið varðar.

Þú talar um að fólk sé að flakka á milli starfsgreina til að leita að einhverju betra. Af hverju eru kennarar að gera það fyrst það er svona góð kjör í grunnskólanum?

Það er auma þjóðfélagið sem getur ekki mannað sína skóla nema það harðni á dalnum í þjóðfélaginu og fólk neyðist til að taka að sér kennslu eins og þú bendir á.